PPCBank ដែលជាធនាគារពាណិជ្ជឈានមុខគេមួយនៅកម្ពុជា បានសហការជាថ្មីម្តងទៀត ជាមួយក្រុមគ្រូពេទ្យជំនាញមកពីប្រទេសកូរ៉េខាងត្បូង និងកម្ពុជា ដើម្បីធ្វើការពិនិត្យ ព្យាបាលជំងឺ និងផ្តល់ថ្នាំពេទ្យដោយឥតគិតថ្លៃដល់ពលរដ្ឋខ្មែរចំនួន៣៦៥នាក់ ក្នុងខេត្តកំពត កំពង់ស្ពឺ និងកណ្តាល នាថ្ងៃទី១៨ ដល់ថ្ងៃទី២១ ខែវិច្ឆិកា ឆ្នាំ២០២៤។
សៀមរាប៖ ដើម្បីចែករំលែកក្តីស្រឡាញ់ និងជួយលើកទឹកចិត្តដល់កុមារដែលកំពុងខ្វះខាតក្នុងការសិក្សា នាព្រឹកថ្ងៃទី៣១ ខែសីហា ឆ្នាំ២០២៤នេះ ធនាគារ PPCBank សហការជាមួយ វិទ្យាល័យព្រះស៊ីសុវត្ថិសាលារៀនជំនាន់ថ្មី បាននាំយកអំណោយសម្ភារសិក្សា ទៅចែកជូនដល់ សិស្សានុសិស្សចំនួន២៤១នាក់ នៅសាលាបឋមសិក្សាគីរីមានន្ទ ខេត្តសៀមរាប នៅក្នុងឱកាសគម្រប់ខួប ១៦ឆ្នាំរបស់ខ្លួននៅកម្ពុជា។
ធនាគារ PPCBank បានបង្ហាញជាថ្មីនូវការប្តេជ្ញាចិត្តរបស់ខ្លួនក្នុងបុព្វហេតុមនុស្សធម៌ តាមរយៈការចូលរួមគាំទ្រយុទ្ធនាការ “១ម៉ឺនរៀល ១ម៉ឺននាក់” របស់មូលនិធិគន្ធបុប្ផាកម្ពុជា។ យុទ្ធនាការនេះ គឺជាយុទ្ធនាការប្រចាំឆ្នាំ ដែលត្រូវបានរៀបចំឡើង ក្នុងគោលបំណងកៀរគរការបរិច្ចាគពីសប្បុរសជននានា ដើម្បីទ្រទ្រង់មន្ទីរពេទ្យគន្ធបុផ្ផា សម្រាប់បន្តធ្វើប្រតិបត្តិការមនុស្សធម៌សង្រ្គោះជីវិតកុមារ នៅកម្ពុជា។ យុទ្ធនាការ “១ម៉ឺនរៀល ១ម៉ឺននាក់” សម្រាប់កុមារកម្ពុជា បានចាប់ផ្តើមដំណើរការពីថ្ងៃទី១ ដល់ថ្ងៃទី៣០ ខែមិថុនា ស្របពេលជាមួយនឹងការប្រារព្ធ ទិវាកុមារអន្តរជាតិ ១មិថុនា។
ធនាគារ PPCBank បានឧបត្ថម្ភថវិកាចំនួន 1,000ដុល្លារ ជូនដល់កាកបាទក្រហមកម្ពុជា ក្នុងឱកាសពិធីអបអរសាទរខួបលើកទី
161
នៃទិវាពិភពលោកកាកបាទក្រហម និងអឌ្ឍចន្ទក្រហម ដែលប្រារព្ធធ្វើឡើងជារៀងរាល់ឆ្នាំ នៅថ្ងៃទី8 ខែឧសភា។
តាមរយៈកិច្ចសហការអន្តរជាតិ ដើម្បីលើកកម្ពស់សកម្មភាពមនុស្សធម៌ និងសុខុមាលភាព សហគមន៍ PPCBank ដែលជាធនាគារពាណិជ្ជឈានមុខគេមួយនៅកម្ពុជា បានជួយឲ្យប្រជាពលរដ្ឋ ខ្វះខាតចំនួន ៥៦៦ នាក់ ក្នុងខេត្តកំពត កំពង់ស្ពឺ និងកណ្ដាល ទទួលបានការពិនិត្យ ព្យាបាល និង ថ្នាំពេទ្យដោយឥតគិតថ្លៃ។ សកម្មភាពចុះពិនិត្យ និងព្យាបាលជំងឺរបស់ក្រុមគ្រូពេទ្យស្ម័គ្រចិត្តមកពី ប្រទេសកូរ៉េខាងត្បូង និងរាជធានីភ្នំពេញ ធ្វើឡើងរយៈពេល៤ថ្ងៃ ចាប់ពីថ្ងៃទី៣០ ខែតុលា ដល់ថ្ងៃទី២ ខែវិច្ឆិកា ឆ្នាំ២០២៣ ក្រោមការជួយគាំទ្រពីធនាគារ PPCBank និង Jeonbuk Bank និងមានការ សម្របសម្រួលពីមន្ទីរសុខាភិបាលខេត្ត និងអាជ្ញាធរមូលដ្ឋាន។
ភ្នំពេញ៖ ធនាគារ PPCBank សហការជាមួយមូលនិធិចក្ខុខ្មែរ (Khmer Sight Foundation) នាព្រឹកថ្ងៃទី២៦-២៧ ខែកក្កដា ឆ្នាំ២០២៣នេះ បានចុះពិនិត្យ វាស់ភ្នែក និងចែកជូនវ៉ែនតាដោយឥតគិតថ្លៃដល់ សិស្សានុសិស្ស លោកគ្រូ អ្នកគ្រូ និងប្រជាពលរដ្ឋ ប្រមាណជិត ១,៦០០នាក់ ក្រោមគម្រោង “គំហើញថ្មី ឆ្នាំ២០២៣” របស់ធនាគារ PPCBank។
ភ្នំពេញ៖ នៅថ្ងៃអាទិត្យ ទី១១ ខែមិថុនា ឆ្នាំ២០២៣ បុគ្គលិកធនាគារ PPCBank ចំនួនជាង ១០០នាក់ បានចូលរួមក្នុងទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្តរជាតិលើក ទី១១។ ព្រឹត្តិការណ៍នេះត្រូវបានចាប់ផ្ដើម និងបញ្ចប់នៅមុខព្រះបរមរាជរាំង ដើម្បីចូលរួម អបអរសាទរបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ។
ភ្នំពេញ៖ ដើម្បីបង្ហាញពីក្តីស្រឡាញ់ ការផ្តល់កម្លាំងចិត្ត និងស្នាមញញឹមដល់កុមារកំព្រា នាឱកាសទិវា កុមារអន្តរជាតិ PPCBank ដែលជាធនាគារពាណិជ្ជឈានមុខគេមួយនៅកម្ពុជា បាននាំយកថវិកាចំនួន ៥,០០០ ដុល្លារ ទៅប្រគល់ជូនមណ្ឌលមែកឈើ ដែលមានទីតាំងនៅភូមិលិចវត្ត សង្កាត់កំបូល ខណ្ឌ កំបូល រាជធានីភ្នំពេញ ក្នុងនោះធនាគារក៏មានចែកជូនសម្ភារៈសិក្សាមួយចំនួនដល់កុមារកំព្រាជាង ១០០នាក់ នៅក្នុងមណ្ឌលផងដែរ។ចំនួនទឹកប្រាក់នេះ បានមកពីកម្មវិធីរៃអង្គាសរបស់ធនាគារ PPCBank ដែលបានដំណើរការពីថ្ងៃទី៣ ដល់ ថ្ងៃទី២៦ ខែឧសភា ឆ្នាំ២០២៣ ដោយធនាគារបានបរិច្ចាគទឹកប្រាក់បន្ថែម ១០០% លើទឹកប្រាក់ដែល ទទួលបានពីសប្បុរសជន និងការចូលរួមបរិច្ចាគមួយចំណែកទៀតពីហាង Socials Coffee។
ធនាគារ PPCBank ដែលជាធនាគារភ្នំពេញពាណិជ្ជឈានមុខគេមួយនៅកម្ពុជា មានសេចក្ដី សោមនស្សរីករាយបន្តឧបត្ថម្ភថវិកាចំនួន 1,000 ដុល្លារ ជូនចំពោះកាកបាទក្រហមកម្ពុជា ក្នុងឱកាសអបអរខួបទី 160 ដើម្បីរួមចំណែកគាំទ្រដល់សកម្មភាពមនុស្សធម៍ និងបន្តពង្រឹង ភាពធន់សហគមន៍ តាមរយៈការជួយសម្រួលទុក្ខលំបាកដល់ជនងាយរងគ្រោះ ជនរងគ្រោះ ដោយមហន្តរាយ និងវិបត្តិភ័យផ្សេងៗ ដើម្បីរលើកម្ពស់ជីវភាពរស់នៅរបស់ប្រជាជន ឲ្យកាន់តែ ប្រសើរឡើង។
ទារក កុមារកំព្រា និងកុមាររងគ្រោះទាំងអស់ នៅក្នុងមណ្ឌលមែកឈើ កំពុងត្រូវការជំនួយ ពីយើងទាំងអស់គ្នា!
តាមរយៈកម្មវិធីសប្បុរសធម៌ដែលរៀបចំឡើងដើម្បីផ្តល់ក្តីស្រឡាញ់ ស្នាមញញឹម និងភាព កក់ក្តៅដល់កុមារកំព្រា ធនាគារ PPCBank សូមអំពាវនាវដល់សាធារណជនទាំងអស់ សូម ចូលរួមបរិច្ចាគថវិកាទៅតាមលទ្ធភាពរបស់បងប្អូន ដើម្បីជួយផ្គត់ផ្គង់អាហារ និងឧបត្ថម្ភដល់ កុមារដែលខ្វះខាតទាំងនេះ ឲ្យទទួលបានលទ្ធភាពរៀនសូត្រ និងការយកចិត្តទុកដាក់ដូច ក្មេងៗដទៃទៀត។
ខេត្តកំពង់ធំ ថ្ងៃទី២៨ ខែតុលា ឆ្នាំ២០២២៖ ធនាគារ PPCBank បាននាំយកអំណោយមនុស្សធម៌ចែកជូន ប្រជាពលរដ្ឋរងគ្រោះដោយទឹកជំនន់ចំនួន ១២១គ្រួសារ ក្នុងខេត្តកំពង់ធំ។ អំណោយមនុស្សធម៌ដែល ផ្តល់ជូនពលរដ្ឋរងគ្រោះនាពេលនេះ គឺបានមកពីការចូលរួមបរិច្ចាគរបស់អតិថិជន បុគ្គលិក និង សាធារណជនទូទៅ ក្រោមកម្មវិធីរៃអង្គាសរយៈពេល១០ថ្ងៃរបស់ធនាគារ PPCBank ដែលបានប្រកាស កាលពីថ្ងៃទី១៧ ខែតុលា ឆ្នាំ២០២២។
ធនាគារ PPCBank បានរៀបចំកម្មវិធីបរិច្ចាគថវិកា ដើម្បីជួយសម្រួលជីវភាពបណ្តោះ អាសន្នចំពោះពលរដ្ឋរងគ្រោះដោយសារទឹកជំនន់នៅក្នុងខេត្តកំពង់ធំ។ ជាមួយគ្នានេះដែរ អតិថិជនរបស់ធនាគារ PPCBank រួមទាំងបុគ្គលិក និងសាធារណជនទាំងអស់ដែលមាន បំណងចូលរួមជាមួយយើង អាចចូលរួមបរិច្ចាគថវិកាទៅតាមលទ្ធភាពរបស់បងប្អូន។