ការធានាពីធនាគារ

ក. លិខិតធានាពីធនាគារក្នុងស្រុក

• លិខិតធានាការដេញថ្លៃ ៖ ត្រូវបានប្រើប្រាស់ ដើម្បីធានាលើការទាមទារណាមួយដោយភាគីស្នើសុំធ្វើការដេញថ្លៃទល់នឹងភាគីអ្នកដេញថ្លៃ។

• លិខិតធានាការបំពេញកិច្ច ៖ ត្រូវបានប្រើប្រាស់ ដើម្បីធានាលើការទាមទារណាមួយដោយភាគីអ្នកទិញ ទល់នឹង ភាគីអ្នកលក់ ព្រមទាំងមានការពិន័យជាប្រាក់ ដែលកើតឡើងពីកំហុសនៅក្នុងការគោរព ឬអនុវត្តនូវខចែង និង លក្ខខណ្ឌនៃកិច្ចសន្យា។

• លិខិតធានាការទូទាត់ប្រាក់ ៖ ត្រូវបានចេញ ដើម្បីធានាចំពោះការទាមទារដោយភាគីអ្នកលក់ ទល់នឹងភាគី អ្នកទិញសម្រាប់ការទូទាត់ប្រាក់តាមតម្លៃកិច្ចសន្យា នៅត្រឹមកាលបរិច្ឆេទដែលបានព្រមព្រៀងគ្នា។

• លិខិតធានាបុរេប្រទាន ៖ ត្រូវបានចេញ ដើម្បីធានាចំពោះការទាមទារដោយភាគីអ្នកទិញ ទល់នឹងភាគីអ្នកលក់ សម្រាប់សំណងទូទាត់នៃការបង់ប្រាក់ជាមុនរបស់អ្នកទិញ នៅក្នុងករណីដែលអ្នកលក់ខកខានប្រគល់ទំនិញ ឬមិនបានបំពេញកាតព្វកិច្ចសព្វគ្រប់តាមកិច្ចសន្យារបស់ខ្លួន។

• លិខិតធានាចំពោះការរក្សាទុកប្រាក់ ៖ ត្រូវបានចេញ ដើម្បីធានាផ្តល់សាច់ប្រាក់ដែលបានរក្សាទុក សម្រាប់ការ ទូទាត់សំណងដល់ភាគីអ្នកទិញ ក្នុងករណីមានការខូចខាតដែលអាចកើតឡើង ក្រោយពេលប្រគល់ទំនិញ ទៅឲ្យភាគីអ្នកលក់។