ធនាគារ ភីភីស៊ីប៊ែងដាក់ដំណើរការប្រព័ន្ធគ្រប់គ្រងកាតថ្មី សម្រាប់កម្មវិធីទូរស័ព្ទចល័ត

រាល់ប្រតិបត្តិការដែលអតិថិជនបានធ្វើតាមប្រព័ន្ធអ៊ីនធឺណិតឬតាមរយៈម៉ាស៊ីនឆូតកាតឥឡូវនេះនឹងអាចគ្រប់គ្រងបានទាំងស្រុងពីទូរស័ព្ទដៃរបស់ពួកគេ។

ដើម្បីប្រយុទ្ធប្រឆាំងនឹងការក្លែងបន្លំធនាគារភីភីស៊ីប៊ែងបញ្ឈប់ការចេញលេខសម្ងាត់បណ្តោះអាសន្នសម្រាប់កាតដែលចេញថ្មី។អតិថិជនត្រូវបង្កើតលេខសម្ងាត់ផ្ទាល់ខ្លួនរបស់ពួកគេតាមរយៈសេវាធនាគារចល័តឬនៅតាមទូរអេធីអឹម​កាន់តែពិសេសអតិថិជនក៏អាចបញ្ជាដំណើរការកាតថ្មីដោយខ្លួនឯង។

ម្ចាស់កាតឥណទានរបស់ធនាគារភីភីស៊ីប៊ែងអាចមើលសមតុល្យសាច់ប្រាក់គ្រប់ពេលតាមរយៈកម្មវិធីទូរស័ព្ទក៏ដូចជាធ្វើការដាក់ប្រាក់ដោយផ្ទាល់ទៅក្នុងគណនីធនាគាររបស់ពួកគេដើម្បីធ្វើការបញ្ជាទិញទំនិញផ្សេងៗ។ការទូទាត់វិក្កយបត្រ ក៏អាចត្រូវបានធ្វើឡើងតាមរយៈកម្មវិធីទូរស័ព្ទដៃដែលអាចជួយសម្រួលដល់ការបើកប្រាក់មុនដល់កាតឥណទានផងដែរ។

ទន្ទឹមនឹងនេះអតិថិជនដែលមានកាតឥណទានក៏អាចតាមដានប្រតិបត្តការភ្លាមៗ​និងអាចផ្ទេរប្រាក់ទុកជាមុនចូលក្នុងគណនីរបស់ លោកអ្នកក្នុងការប្រើប្រាស់ផ្សេងៗតាមតម្រូវការ។​ ការទូទាត់សាច់ប្រាក់ដែលបានផុតការកំណត់សងប្រាក់ក៏អាចធ្វើបានពី សេវាធនាគារចល័តផងដែរ។​

ប្រព័ន្ធគ្រប់គ្រងកាតថ្មីនេះក៏អនុញ្ញាតឱ្យអ្នកប្រើប្រាស់កម្មវិធីទូរស័ព្ទដៃធនាគារភីភីស៊ីប៊ែងអាចបង្កកនិងដំណើរការកាតឡើងវិញដោយខ្លួនឯងសម្រាប់កាតឥណពន្ធ​និងកាតឥណទាន។​ វាមានសារៈប្រយោជន៍បំផុតនៅពេលភ្លេច ថាកាតរបស់អ្នកនៅទីណា​ឬ ក្នុង ករណីកាតមួយត្រូវបានបាត់បង់ ឬ ត្រូវបានគេលួចការបង្កកកាតភ្លាមៗនិងជាអចិន្ត្រៃយ៍។ បន្ទាប់មកអតិថិជនអាច ប្រើកម្មវិធីទូរស័ព្ទចល័តភីភីស៊ីប៊ែង ​ដើម្បីស្នើសុំចេញកាតជាថ្មីឡើងវិញដោយគ្រាន់តែបញ្ជាក់ហេតុផលប៉ុណ្ណោះ។

មុខងារដែលបានធ្វើបច្ចុប្បន្នភាពទាំងនេះអាចធ្វើទៅបានដោយធនាគារភីភីស៊ីប៊ែងជំនួសកម្មវិធីប្តូរកេរ្តិ៍ដំណែលរបស់ខ្លួនដោយសហការជាមួយ”ស្មាតវីស្តា” របស់ក្រុមហ៊ុន “បីភីស៊ី”ដែលជាប្រព័ន្ធដែលមានការទួលស្គាល់ជាអន្តរជាតិជាមួយ នឹងការអនុលោម តាមស្តង់ដារអន្តរជាតិនិងភាពត្រូវគ្នា។ លក្ខណៈពិសេសថ្មីនេះនឹងត្រូវ បានស្វាគមន៍ដោយអ្នកប្រើសេវាធនាគារចល័ត ដែលចូលចិត្តនឹងចំណុចប្រទាក់និងសមត្ថភាពជីវមាត្រដែលបានបង្កើតរួចហើយ។សេវាធនាគារចល័តត្រូវបានបង្កើតឡើងជាលើកដំបូងនៅក្នុងឆ្នាំ២០១៧។នៅឆ្នាំ២០១៩វាបានទទួលពានរង្វាន់“ការឌីហ្សាញ”ក្នុងការទទួលស្គាល់វិធីសាស្រ្តច្នៃប្រឌិតថ្មីរបស់ខ្លួន។

គំនិតផ្តួចផ្តើមរបស់ធនាគារភីភីស៊ីប៊ែងក្នុងការជំរុញប្រតិបត្តិការគ្មានសាច់ប្រាក់រួមមានការអនុម័តលើសេវាកម្ម“ទូទាត់ប្រាក់បាគង”របស់ធនាគារជាតិនៃកម្ពុជាដែលមានគោលបំណងធ្វើឱ្យប្រសើរឡើងនូវអន្តរប្រតិបត្តិការសម្រាប់អតិថិជនទូទាំងស្ថាប័នហិរញ្ញវត្ថុផ្សេងៗគ្នា។ធនាគារភីភីស៊ីប៊ែងទើបតែដាក់ចេញនូវដំណាក់កាលទី២របស់ធនាគារជាតិនៃកម្ពុជាគឺ “ការផ្ទេរប្រាក់ពេញបាគង”។ អតិថិជនរបស់ ធនាគារភីភីស៊ីប៊ែងអាចផ្ទេរប្រាក់ដោយផ្ទាល់ទៅធនាគារក្នុងស្រុកណាមួយដែលជាសមាជិករបស់បាគងដោយមិនបង់ថ្លៃសេវា។

លើសពីនេះទៀតកម្មវិធីទូរស័ព្ទចល័តចុងក្រោយអាចឱ្យអតិថិជនរបស់ធនាគារភីភីស៊ីប៊ែងផ្ទេរប្រាក់ទៅអេអឹមខេកាបូប(AMK Wallet)ឬលេខទូរស័ព្ទរបស់អ្នកណាម្នាក់ដែលអនុញ្ញាតឱ្យអ្នកទទួលដកប្រាក់ពីភ្នាក់ងារណាមួយក្នុងចំណោមភ្នាក់ងារអេអឹមខេចំនួន៥៥០០ភ្នាក់ងារនៅទូទាំងព្រះរាជាណាចក្រកម្ពុជា។

ដោយដឹងថាជម្រើសនៃការផ្ទេរប្រាក់អាចមានភាពច្របូកច្របល់ធនាគារភីភីស៊ីប៊ែងបានដាក់បញ្ចូលជម្រើសនៃការផ្ទេរពេលវេលា ទាំងអស់ទៅក្នុងបញ្ជីមួយដែលងាយស្រួលក្នុងការជ្រើសរើស។លែងជាបញ្ហាទៀតហើយ អតិថិជនគ្រាន់តែចុចលើ ឈ្មោះធនាគារមួយណាដែលពួកគេចង់ផ្ទេរប្រាក់ទៅ នោះប្រព័ន្ធកម្មវិធីទូរសព្ទរបស់យើង នឹងពិនិត្យជម្រើស ដែលល្អបំផុតដកម្រៃ សេវាផ្ញើរទាបបំផុតដោយស្វ័យប្រវ័ត្ត​ នេះជាបច្ចេកេវិទ្យាថ្មីមួយដើម្បីធានាផ្ដល់ជូនអតិថិជន របស់ពួកយើងនូវ សេវាកម្មធនាគារចល័ត ដែលមានភាពងាយស្រួល។​​ ទាញយកសម្រាប់ទូរស័ព្ទដៃចល័តឥឡូវនេះ​ ដែលអាចប្រើប្រាស់បានសម្រាប់ទាំង កម្មវិធីAndroidនិងiOS។

អំពីធនាគារភីភីស៊ីប៊ែង

ធនាគារ​ ភីភីស៊ីប៊ែង​ គឺ​​ជា​ធនាគារ​របស់ប្រទេសកូរ៉េខាងត្បូងមួយ​ដែល​​​​បានចាប់ផ្ដើមអាជីវកម្មនៅកម្ពុជា ​នៅ​ខែ​កញ្ញា ឆ្នាំ​២០០៨​ ដែលជាក្រុមហ៊ុន​បុត្រ​សម្ព័ន្ធមួយនៃក្រុមហ៊ុន JB Financial Group និងក្រុមហ៊ុន Apro Financial Co។ ធនាគារ​ ភីភីស៊ីប៊ែង កំពុងធ្វើប្រតិបត្ដិការនៅទូទាំងប្រទេសកម្ពុជាតាមរយៈសាខាចំនួន ១៦​​ សាខានៅរាជធានីភ្នំពេញ និងសាខាចំនួន ៧ នៅតាមបណ្ដាខេត្តសំខាន់ៗមួយចំនួន និងមាន​ទូ ATM ចំនួន ៦៥។ ធនាគារ​ ភីភីស៊ីប៊ែង​ ​បាន​ផ្តល់​ជូនផលិតផល និង​សេវាកម្មផ្នែក​ធនាគារ​សំបូរបែបដែល​រួម​មាន​ទាំង​សេវាធនាគារ​លក្ខណៈ​ប្រពៃណី​ និង​បែប​ឌីជីថលទំនើប ដោយ​រាប់​បញ្ចូល​ទាំង​សេវា​ប្រាក់​បញ្ញើ ឥណទាន ​សេវា smartBiz ដែលជាសេវាកម្មធនាគារសម្រាប់ផ្នែកអាជីវកម្មបែប​ឌីជីថល​ និងសេវា Mobile Teller ដែលជា​សេវាប្រឹក្សាយោបល់​អតិថិជន​ទាំង​នៅ​ក្នុង​ និង​ក្រៅ​សាខា។​ ក្នុងឆ្នាំ ២០២០ ធនាគារ​ ភីភីស៊ីប៊ែង​ បានចុះបញ្ជីមូលបត្រក្រុមហ៊ុនក្នុងផ្សារមូលបត្រកម្ពុជា។

ធនាគារ​ ភីភីស៊ីប៊ែង​ ចូលរួមគាំទ្រយ៉ាងសកម្មក្នុងកម្មវិធីទំនួលខុសត្រូវសង្គមរបស់ក្រុមហ៊ុន (CSR Initiative) ដោយក្លាយ​ជា​ធនាគារ​ដំបូង​បង្អស់​ដែល​បាន​ផ្តួច​ផ្តើម​​គំនិត​ក្នុង​ការ​លើក​កម្ពស់​​​​​បុគ្គលិក​ដែល​មាន​ពិការភាពលើសោតវិញ្ញាណ ​តាម​រយៈ​កិច្ច​សហការជាមួយ​​​ហាង​កាហ្វេ Socials Coffee​ដែលមាននៅ​សាខាធនាគារ​​របស់​ខ្លួន​។ បន្ថែម​ពី​នេះ​ទៅ​ទៀត​ កម្មវិធីទំនួលខុសត្រូវសង្គម របស់ធនាគារក៏បានគាំទ្រដល់អង្គការបោសសម្អាតមីននៅកម្ពុជា ដូចជា អង្គការ APOPO កណ្ដុរហិតមីន «HeroRATs»ដែលកំពុងធ្វើការបោសសម្អាតមីន ដើម្បីលុបបំបាត់មីននៅកម្ពុជា។