គណនីបញ្ញើសន្សំរបស់ធនាគារ PPCBank ធ្វើឲ្យការដាក់ប្រាក់សន្សំកាន់តែមានលក្ខណៈសាមញ្ញនិងងាយស្រួលថែមទៀត។ គណនីនេះ រក្សាទុកប្រាក់របស់អ្នកសម្រាប់គោលបំណងផ្សេងៗដែលលោកអ្នកអាចត្រូវការប្រើប្រាស់ក្នុងពេលអនាគត។ នៅពេលលោកអ្នកបើកគណនីបញ្ញើសន្សំ លោកអ្នកពុំចាំបាច់ព្រួយបារម្ភអំពីថ្លៃសេវាប្រចាំឆ្នាំ ឬសេវាថែទាំនោះទេ។ លោកអ្នកនឹងទទួលបានផងដែរនូវសៀវភៅធនាគារមួយក្បាលដោយឥតគិតថ្លៃ ដើម្បីអាចធ្វើការផ្ទេរប្រាក់ដោយឥតគិតថ្លៃនៅក្នុងគណនីធនាគារ PPCBank។
ប្រសិនបើអ្នកមានប្រាក់សន្សំដែលអ្នកមិនមានគម្រោងនឹងប្រើប្រាស់ឆាប់ៗ នោះគណនីប្រាក់បញ្ញើមានកាលកំណត់ នឹងអនុញ្ញាតឱ្យប្រាក់របស់អ្នកកើនឡើងជាមួយនឹងអត្រាការប្រាក់ជាក់លាក់។ ពេលណា ដែលអ្នកដាក់ប្រាក់ចូលគណនីសន្សំប្រាក់បានកាន់តែយូរ អត្រាការប្រាក់នឹងកាន់តែខ្ពស់។
គណនីនេះ ជួយឲ្យលោកអ្នកទទួលបានការប្រាក់កាន់តែច្រើន ទៅតាមទំហំសមតុល្យសាច់ប្រាក់ ដែលរក្សាទុកក្នុងគណនីរបស់លោកអ្នក។ អត្រាការប្រាក់ត្រូវបានបូកបន្ថែម ជារៀងរាល់ថ្ងៃ និងទូទាត់រៀងរាល់បីខែម្តង។
ការមានទីកន្លែងដ៏សមរម្យមួយសម្រាប់ស្នាក់អាស្រ័យបន្ទាប់ពីសម្រាកពីការងារ គឺជារឿង ដែលយើងម្នាក់ៗប្រាថ្នាចង់បាន។ ចាប់ផ្តើមការសន្សំរបស់អ្នកឥឡូវនេះ ដើម្បីក្លាយជា ម្ចាស់គេហដ្ឋានក្នុងក្តីស្រមៃបានដោយងាយស្រួល ព្រមទាំងទទួលបានអត្រាការប្រាក់ខ្ពស់ រហូតដល់7.25% សម្រាប់គណនីសន្សំជាប្រាក់រៀល និង6.50% សម្រាប់គណនីសន្សំជា ប្រាក់ដុល្លារ។ យើងនៅទីនេះ ដើម្បីជួយលោកអ្នកឲ្យទទួលបានគេហដ្ឋានក្នុងក្តីស្រមៃ។
គណនីសន្សំសម្រាប់ការសិក្សារបស់ធនាគារ PPCBank ជាប្រភេទគណនីដ៏ពិសេសមួយ ដែលបង្កើតឡើង ដើម្បីជំរុញការដាក់សន្សំប្រាក់សម្រាប់ផ្គត់ផ្គង់ចំណាយថ្លៃសិក្សានា ពេលអនាគត ព្រមជាមួយនឹងការទទួលបានអត្រាការប្រាក់រហូតដល់ 7.80% សម្រាប់ការ សន្សំជាប្រាក់រៀល និង 7.50% សម្រាប់ការសន្សំជាប្រាក់ដុល្លារ។ អ្នកអាចរៀបចំផែនការ សន្សំប្រាក់យ៉ាងមានប្រសិទ្ធភាពសម្រាប់បន្តការសិក្សារបស់អ្នក។ សន្សំកាន់តែយូរ កាន់តែមានលទ្ធភាពគ្រប់គ្រាន់ ក្នុងការគ្រប់គ្រងចំណាយទៅតាមផែនការ។
គណនីសន្សំកុមាររបស់ PPCBank គឺជាគណនីសន្សំថ្មីមួយ ដែលអាចឲ្យកុមារចូលរួម ជាមួយសេវាកម្មធនាគារតាមទូរស័ព្ទ ប៉ុន្តែការប្រើប្រាស់មុខងារមានកំណត់។ រាល់ការធ្វើប្រតិបត្តិការហិរញ្ញវត្ថុរបស់កុមារ ត្រូវបានគ្រប់គ្រងដោយឪពុកម្តាយ ឬ អាណាព្យាបាលរបស់ពួកគេតាមរយៈកម្មវិធីទូរស័ព្ទ។
លោកអ្នកប្រាកដជាមានគោលដៅហិរញ្ញវត្ថុផ្ទាល់ខ្លួន។ ធនាគារ PPCBank ចង់ឲ្យលោកអ្នកអាចសម្រេចបានគោលដៅទាំងនោះបានដោយងាយស្រួល។គណនីនេះ អនុញ្ញាតឲ្យលោកអ្នកកំណត់ចំនួនទឹកប្រាក់ថេរប្រចាំថ្ងៃ ឬប្រចាំខែសម្រាប់រយៈពេលកំណត់ណាមួយ។ ប្រាក់បញ្ញើសន្សំនេះនឹងមានការកើនឡើងជាលំដាប់។ នៅពេលដែលរយៈពេលកំណត់នោះបានបញ្ចប់ លោកអ្នកអាចដកយកប្រាក់មកវិញបានទាំងប្រាក់ដើម និងការប្រាក់។
គណនីចរន្ត គឺជាវិធីងាយស្រួលមួយក្នុងការទិញទំនិញ ឬសេវាកម្មប្រចាំថ្ងៃរបស់លោកអ្នក។ វាមានភាពងាយស្រួល និងមានភាពបត់បែន ក្នុងការគ្រប់គ្រងប្រាក់កាសរបស់លោក អ្នក។ ក្រៅពីនេះរាល់ប្រតិបត្តិការរបស់អ្នក នឹងត្រូវធ្វើបច្ចុប្បន្នភាពដោយ PPCBank Mobile គ្រប់ពេល និងមិនគិតថ្លៃសេវា។
ប្រសិនបើលោកអ្នកជាអតិថិជនដែលមានទ្រព្យធនច្រើន គណនីបញ្ញើសន្សំប្រាក់ VIP គឺល្អបំផុតសម្រាប់លោកអ្នក។វាគឺជាវិធីងាយស្រួលមួយ ដែលសាកសម និងមានភាពបត់បែនក្នុងការគ្រប់គ្រងប្រាក់កាសរបស់អ្នកនៅពេលវាមានការកើនឡើង។ យើងនឹងខិតខំប្រឹងប្រែង ដើម្បី ធានាថាលោកអ្នកនឹងទទួលបានការយកចិត្តទុក្ខដាក់ខ្ពស់ ជាមួយនឹងសេវាកម្មលំដាប់ VIP ដែល លោកអ្នកសាកសមនឹងទទួលបាន។
ការបញ្ជាក់ពីធនាគារ មានន័យថាធនាគារនឹងចេញលិខិតបញ្ជាក់មួយច្បាប់ ឬព័ត៌មានផ្សេងទៀត ដែលពាក់ព័ន្ធនឹងប្រាក់បញ្ញើ ឥណទាន សេវាបញ្ញើតាមរយៈប្រអប់សេវាសុវត្ថិភាព ការធានារបស់ធនាគារកម្រិតឥណទាន ។ល។
