អស់ទាស់! ទទួលបានកម្ចីទិញដីឡូតិ៍ ព្រីមៀរ៍ ផាក ​រហូតដល់ ៧០% ពីធនាគារ PPCBank

កិច្ចសហការនៃភាពជាដៃគូនេះ គឺអតិថិជនដែលទិញដីឡូតិ៍ពីក្រុមហ៊ុន ព្រីមៀរ៍ ផាក អាចស្នើប្រាក់កម្ចីពី ធនាគារ PPCBank រហូតដល់ ៧០% ក្នុងទំហំទឹកប្រាក់សរុបនៃតម្លៃអចលនទ្រព្យ រីឯរយៈពេលកម្ចីបាន រហូតដល់ ១៥ឆ្នាំ ជាមួយអត្រាការប្រាក់សមរម្យ ព្រមទាំងការអនុម័តប្រាក់កម្ចីរហ័ស និងមានលក្ខខណ្ឌ អនុគ្រោះមួយចំនួនទៀតសម្រាប់អតិថិជន។ ក្នុងករណីដែលអតិថិជនមិនទាន់មានប្រាក់កក់គ្រប់គ្រាន់ អតិថិជនអាចសន្សំដោយបើកគណនីប្រាក់បញ្ញើរបស់ធនាគារ PPCBank ដើម្បីស្នើសុំឥណទាន។

ថ្លែងក្នុងឱកាសនោះ លោក ញ៉ក់ គឹមស្រូយ នាយកប្រតិបត្តិរងជាន់ខ្ពស់នៃធនាគារ PPCBank បានលើក ឡើងថា៖ “កិច្ចសហការរវាងធនាគារ PPCBank និងក្រុមហ៊ុន ព្រីមៀរ៍ ផាក នឹងជួយផ្តល់អត្ថប្រយោជន៍ឲ្យ គ្នាទៅវិញទៅមកនៅក្នុងដំណើរការពង្រឹង និងពង្រីកអាជីវកម្មស្របតាមផែនការយុទ្ធសាស្រ្តរបស់ខ្លួន។ ទន្ទឹមគ្នានេះដែរ ក៏បានផ្តល់ឱកាសឲ្យធនាគារ PPCBank អាចចូលរួមផ្តល់ដំណោះស្រាយហិរញ្ញវត្ថុ តាម រយៈការផ្តល់ឥណទានដីឡូតិ៍ដល់អតិថិជនរបស់ក្រុមហ៊ុនព្រីមៀរ៍ផាក។”

លោក ញ៉ក់ គឹមស្រូយ បន្តទៀតថា៖ “ធនាគារ PPCBank បានត្រៀមខ្លួនរួចជាស្រេចក្នុងការជួយអតិថិជន ឲ្យទទួលបានកម្ចីច្រើនជាមួយលក្ខខណ្ឌបត់បែនងាយស្រួល និងអត្រាការប្រាក់ទាប។ យើងសង្ឃឹមយ៉ាង មុតមាំថាកិច្ចសហការនេះ នឹងជួយនាំមកនូវលទ្ធផលផ្លែផ្កាជាបន្តបន្ទាប់ និងជោគជ័យថ្មីៗជូនដល់ ស្ថាប័នដៃគូទាំងពីរ”។

ដោយឡែក លោក ទន់ ឆៃអ៊ាង ប្រធានក្រុមប្រឹក្សាភិបាលនៃក្រុមហ៊ុន ព្រីមៀរ៍ ផាកក៏បានគូសបញ្ជាក់ ក្នុងពិធីនេះផងដែរថា៖ “ការចុះហត្ថលេខាលើអនុស្សារណៈយោគយល់គ្នារវាងស្ថាប័នទាំងពីរ គឺជាការ សហការមួយ ដែលនឹងផ្តល់នូវកិច្ចព្រមព្រៀងច្បាស់លាស់ តាមរយៈការផ្លាស់ប្តូរគំនិតគ្នាអំពីការលើក ទឹកចិត្តដល់អតិថិជនដែលប្រើប្រាស់ឥណទានក្នុងផលប្រយោជន៍រួមគ្នា។”

លោកបានបន្តទៀតថា៖ “នៅក្នុងគម្រោង ព្រីមៀរ៍ ផាក នេះ មានរហូតដល់៧០ហិកតា និងជាតំបន់ ដែលកំពុងតែមានសក្តានុពលខ្ពស់ និងអមដោយទន្លេសាប និងទន្លេមេគង្គ ដែលបង្កលក្ខណៈងាយ ស្រួលសម្រាប់ការរស់នៅដែលល្អបំផុតប្រកបដោយផាសុខភាព។ សម្រាប់គម្រោងដែលចាប់ផ្តើមបើក លក់នេះជាប្រភេទគម្រោងដីឡូតិ៍ខ្នាតវីឡា ដែលមានទំហំដី ១០ម៉ែត្រ × ២០ម៉ែត្រ, ១០ម៉ែត្រ × ៣០ម៉ែត្រ និង ២០ម៉ែត្រ × ៣០ម៉ែត្រ ដែលមានតម្លៃចាប់ពី៨២,០០០ (ប្រាំបីម៉ឺនពីរពាន់) ដុល្លារ ដល់ ២៤៦,០០០ (ម្ភៃបួនម៉ឺនប្រាំមួយពាន់) ដុល្លារ។ អ្វីដែលកាន់តែពិសេសនោះ រាល់អតិថិជនដែលមកទិញ គម្រោងដីឡូតិ៍ ព្រីមៀរ៍ ផាក នឹងទទួលបានការបញ្ចុះតម្លៃរហូតដល់១៨% ក្នុង១ឡូតិ៍ ហើយសម្រាប់តម្លៃបន្ទាប់ពីបញ្ចុះ រួចរាល់នៅសល់ត្រឹមតែ ៦៧,០០០ (ប្រាំមួយម៉ឺនប្រាំពីរពាន់) ដុល្លារ ដល់ ២០០,០០០ (ម្ភៃម៉ឺន) ដុល្លារ តែ ប៉ុណ្ណោះ និងមានកាត់ប្លង់រឹងជូនអតិថិជនដោយឥតគិតថ្លៃផងដែរ”។

ធនាគារ PPCBank និងក្រុមហ៊ុន ព្រីមៀរ៍ ផាក នឹងបន្តកិច្ចសហការជាដៃគូរបស់ខ្លួន សម្រាប់គម្រោង ផ្សេងៗទៀតនៅថ្ងៃអនាគត សំដៅឆ្លើយតបទៅនឹងកំណើនតម្រូវការរបស់អតិថិជន ក៏ដូចជារួម​ចំណែក អភិវឌ្ឍវិស័យអចលនទ្រព្យ និងវិស័យធនាគារឲ្យមានភាពរីកចម្រើនខ្លាំងក្លា និងប្រកបដោយនិរន្តរភាព។

សម្រាប់ព័ត៌មានលម្អិតសូមអញ្ជើញសាកសួរព័ត៌មាននៅការិយាល័យលក់គម្រោងដីឡូតិ៍ ព្រីមៀរ៍ ផាក ដែលមានទីតាំងស្ថិតនៅលើមហាវិថីឈ្នះឈ្នះ សង្កាត់បាក់ខែងខណ្ឌជ្រោយចង្វារ រាជធានីភ្នំពេញ ឬ ទាក់ទងតាមលេខទូរស័ព្ទ៖092/093 9999 11 ឬ Telegram Channel: គ្រុបអតិថិជន-ព្រីមៀរ៍ ផាក៕

ចូលរួម Telegram Channel របស់យើង ដើម្បីទទួលបានព័ត៌មានថ្មីៗរបស់ធនាគារ PPCBannk:https://t.me/ppcbankcambodia