បើកគណនីសន្សំមានកាលកំណត់តាមរយៈ PPCBank Mobile Banking ឥឡូវនេះ លោកអ្នកនឹង ទទួលបានអត្រាការប្រាក់ពិសេសរហូតដល់ 6.90% ក្នុងមួយឆ្នាំ។ ការផ្តល់ជូនពិសេសនេះ មានសុពលភាពរហូតដល់ថ្ងៃទី13 ខែមករា ឆ្នាំ2023 ។
សូមបញ្ជាក់ថា ប្រ៉ូម៉ូសិនមិនត្រូវបានផ្តល់ជូន ក្នុងករណីលោកអ្នកបិទគណនីសន្សំ ណាមួយរបស់លោកអ្នក នៅក្នុងអំឡុងពេលប្រ៉ូម៉ូសិននេះ។
ភ្នំពេញ៖ ធនាគារ PPCBank បានសហការគ្នាជាមួយក្រុមហ៊ុន ព្រីមៀរ៍ ផាក ដែលជាក្រុមហ៊ុនអភិវឌ្ឍន៍ លើវិស័យអចលនទ្រព្យធំមួយនៅកម្ពុជា ដើម្បីផ្តល់ភាពងាយស្រួលដល់អតិថិជន ក្នុងការទិញដីឡូតិ៍ពី គម្រោងដីឡូតិ៍ ព្រីមៀរ៍ ផាក។
អនុស្សារណៈយោគយល់ថ្មីមួយរវាងភាគីទាំងពីរ ត្រូវបានចុះហត្ថលេខានាព្រឹកថ្ងៃទី២៥ ខែវិច្ឆិកា ឆ្នាំ២០២២ នៅការិយាល័យកណ្តាលរបស់ធនាគារ PPCBank ដែលមានអាសយដ្ឋានស្ថិតនៅអគារលេខ ២១៧ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ភ្នំពេញ៖ ធនាគារ PPCBank ដែលជាធនាគារពាណិជ្ជឈានមុខគេមួយនៅក្នុងប្រទេសកម្ពុជា មាន មោទនភាពដែលបានចូលរួមឧបត្ថម្ភជា Silver Sponsor ក្នុងពិព័រណ៍បច្ចេកវិទ្យាកម្ពុជាឆ្នាំ២០២២ រយៈ ពេល៣ថ្ងៃ ចាប់ពីថ្ងៃទី១១ រហូត ដល់ថ្ងៃទី១៣ ខែវិច្ឆិកា ឆ្នាំ២០២២ នៅមជ្ឈមណ្ឌលសន្និបាត និង ពិព័រណ៍កោះពេជ្រ។ ព្រឹត្តិការណ៍នៅឆ្នាំនេះ ត្រូវបានរៀបចំឡើងក្រោមប្រធានបទ “អាស៊ានរួមគ្នាធ្វើ – ដោះស្រាយបញ្ហាប្រឈមទាំងអស់គ្នាតាមរយៈមូលធនមានទេពកោសល្យបច្ចេកវិទ្យា” ដើម្បីចែករំលែក បទពិសោធន៍ និន្នាការថ្មីៗ ព្រមទាំងឧត្តមានុវត្តន៍ពាក់ព័ន្ធនឹងបច្ចេកវិទ្យា សេដ្ឋកិច្ចនិងសង្គមឌីជីថល និង បដិវត្តន៍ឧស្សាហកម្មជំនាន់ទី៤។
សៀមរាប៖ ធនាគារ PPCBank មានមោទនភាពដែលបានបន្តចូលរួមគាំទ្រព្រឹត្តិការណ៍ជិះកង់របស់ សមាគមធនាគារនៅកម្ពុជា ដែលបានរៀបចំឡើងក្នុងខេត្តសៀមរាប កាលពីថ្ងៃទី៣០ ខែតុលា ឆ្នាំ២០២២ ក្រោយអាក់ខានរយៈពេល២ឆ្នាំដោយសារជំងឺកូវីដ១៩។ សម្រាប់ព្រឹត្តិការណ៍ជិះកង់ប្រចាំឆ្នាំ២០២២ នេះ ធនាគារ PPCBank បានចូលរួមឧបត្ថម្ភជា Gold Sponsor ។
ដោយមានការគាំទ្រពីសហព័ន្ធកីឡាទោចក្រយានកម្ពុជា និងសហការរៀបចំដោយសមាគមធនាគារនៅ កម្ពុជា (ABC) ព្រឹត្តិការណ៍នេះ ត្រូវបានរៀបចំឡើងក្នុងគោលបំណងដើម្បីលើកកម្ពស់ហិរញ្ញវត្ថុប្រកប ដោយចីរភាព ព្រមទាំងការការពារបរិស្ថាន និងទំនួលខុសត្រូវសង្គម ក្នុងន័យអភិរក្ស និងលើកកម្ពស់ សម្បត្តិវប្បធម៌ក្នុងខេត្តសៀមរាប។
ខេត្តកំពង់ធំ ថ្ងៃទី២៨ ខែតុលា ឆ្នាំ២០២២៖ ធនាគារ PPCBank បាននាំយកអំណោយមនុស្សធម៌ចែកជូន ប្រជាពលរដ្ឋរងគ្រោះដោយទឹកជំនន់ចំនួន ១២១គ្រួសារ ក្នុងខេត្តកំពង់ធំ។ អំណោយមនុស្សធម៌ដែល ផ្តល់ជូនពលរដ្ឋរងគ្រោះនាពេលនេះ គឺបានមកពីការចូលរួមបរិច្ចាគរបស់អតិថិជន បុគ្គលិក និង សាធារណជនទូទៅ ក្រោមកម្មវិធីរៃអង្គាសរយៈពេល១០ថ្ងៃរបស់ធនាគារ PPCBank ដែលបានប្រកាស កាលពីថ្ងៃទី១៧ ខែតុលា ឆ្នាំ២០២២។
ភ្នំពេញ ថ្ងៃទី២៥ ខែតុលា ឆ្នាំ២០២២៖ ធនាគារ PPCBank និងមជ្ឈមណ្ឌលកូរ៉េ សហ្វវែរ អេច អ ឌី (Korea Software HRD Center) នៅថ្ងៃនេះ បានប្រកាសជាផ្លូវការភាពជាដៃគូ ដើម្បីសហការលើផ្នែកអភិវឌ្ឍន៍ ជំនាញព័ត៌មានវិទ្យា និងផ្តល់ឱកាសការងារសម្រាប់និស្សិត។
កិច្ចព្រមព្រៀងរវាងភាគីទាំងពីរ ក៏រួមបញ្ចូលនូវការរៀបចំព្រឹត្តិការណ៍នានារបស់សាលា ការតាំងពិព័រណ៍ ការងារ និងវគ្គចែករំលែកចំណេះដឹងផ្សេងៗផងដែរ។
ភ្នំពេញ៖ ស្របតាមការប្តេជ្ញាចិត្ត ក្នុងការផ្តល់នូវសេវាធនាគារប្រកបដោយភាពងាយស្រួល និង សុវត្ថិភាពដល់អតិថិជន ធនាគារ PPCBank បានដាក់ឲ្យដំណើរការនូវម៉ាស៊ីនដកប្រាក់ (ATM) និងម៉ាស៊ីន ដក-ដាក់ប្រាក់ (CRM) ជាច្រើនកន្លែងនៅទូទាំងប្រទេសកម្ពុជា។
អតិថិជនអាចធ្វើការដក និងដាក់ប្រាក់ទាំងប្រាក់រៀល និងប្រាក់ដុល្លារ បានគ្រប់ពេលវេលា មិនថាក្រៅ ម៉ោងធ្វើការងារ ថ្ងៃចុងសប្តាហ៍ ឬថ្ងៃបុណ្យជាតិឡើយ។ ជាពិសេស ម៉ាស៊ីន CRM របស់ PPCBank អាច ទទួលយកចំនួនក្រដាសប្រាក់ដែលត្រូវដាក់បញ្ចូលបានចំនួនដ៏ច្រើនរហូត ដល់ 40លានរៀល ឬ 1ម៉ឺន ដុល្លារ ក្នុងមួយថ្ងៃ។
ធនាគារ PPCBank បានរៀបចំកម្មវិធីបរិច្ចាគថវិកា ដើម្បីជួយសម្រួលជីវភាពបណ្តោះ អាសន្នចំពោះពលរដ្ឋរងគ្រោះដោយសារទឹកជំនន់នៅក្នុងខេត្តកំពង់ធំ។ ជាមួយគ្នានេះដែរ អតិថិជនរបស់ធនាគារ PPCBank រួមទាំងបុគ្គលិក និងសាធារណជនទាំងអស់ដែលមាន បំណងចូលរួមជាមួយយើង អាចចូលរួមបរិច្ចាគថវិកាទៅតាមលទ្ធភាពរបស់បងប្អូន។
កាន់តែពិសេសជាងមុនសម្រាប់អតិថិជន ដែលទទួលប្រាក់ផ្ទេរពីក្រៅប្រទេសទូទាំងពិភព លោក ជារូបិយបណ្ណដុល្លារ មកធនាគារ PPCBank តាមប្រព័ន្ធ SWIFT ដោយឥតគិតថ្លៃ សេវា ចាប់ពីថ្ងៃនេះ រហូតដល់ដំណាច់ឆ្នាំ 2022។
ការផ្តល់ជូនប្រ៉ូម៉ូសិនពិសេសនេះមានសុពលភាពចាប់ពីថ្ងៃនេះ រហូតដល់ ថ្ងៃទី31 ខែធ្នូ ឆ្នាំ2022។
ភ្នំពេញ៖ ធនាគារ Jeonbuk ដែលជាធនាគារដ៏ធំមួយរបស់ប្រទេសកូរ៉េខាងត្បូង បានសហការជាមួយ ធនាគារ PPCBank ក្នុងការដាក់ឲ្យប្រើប្រាស់សេវាផ្ទេរប្រាក់ពីប្រទេសកូរ៉េមកកម្ពុជាតាមប្រព័ន្ធបាគង របស់ធនាគារជាតិនៃកម្ពុជា ដើម្បីជួយសម្រួលដល់ពលរដ្ឋខ្មែរ ដែលកំពុងធ្វើការនៅប្រទេសកូរ៉េ អាចផ្ញើ ប្រាក់មកស្រុកខ្មែរបានភ្លាមៗ។
(ភ្នំពេញ)៖ តាមការសន្យា កម្មវិធី “គំហើញថ្មី ឆ្នាំ២០២២” របស់ធនាគារ PPCBank បានផ្តល់លទ្ធភាពឲ្យ ប្រជាពលរដ្ឋនៅខេត្តកំពង់ធំ ដែលមកពិនិត្យភ្នែកបឋមកាលពីថ្ងៃទី ២៨ ខែឧសភា កន្លងទៅនេះ ទទួល បានការវះកាត់ភ្នែកដោយឥតគិតថ្លៃ។ ដោយមានកិច្ចសហការជាមួយមូលនិធិចក្ខុខ្មែរ (Khmer Sight Foundation) ប្រជាពលរដ្ឋដែលមានជីវភាពខ្វះខាតជាង ២០០នាក់ បានទទួលការពិនិត្យភ្នែករករោគ វិនិច្ឆ័យ ក្នុងនោះអ្នកជំងឺជាង ២០ នាក់ តម្រូវឲ្យមានការព្យាបាលដោយការវះកាត់នៅទីក្រុងភ្នំពេញ ក្រោមការចំណាយទាំងស្រុងពីធនាគារ PPCBank។
.
១. គោលបំណង
ការចូលរួមក្នុងការជួសជុលកែលម្អផ្នែកខាងក្នុង និង ខាងក្រៅ របស់សាខា ធនាគារ ភីភីស៊ីប៊ែង «ទឹកថ្លា»
F រយៈពេលរំពឹងទុកនៃការជួសជុលកែលម្អ: ចាប់ពីថ្ងៃទី០៨ ខែសីហា ឆ្នាំ២០២២ ដល់ ថ្ងៃទី២០ ខែតុលា ឆ្នាំ២០២២
(រយៈពេលច្រើនបំផុត ២ ខែ កន្លះ)