រំភើប! PPCBank ជា Main Sponsorក្នុងកម្មវិធីដំណើរកម្សាន្តគ្រួសារ Chevrolet

ក្នុងនាមជាស្ថាប័នហិរញ្ញវត្ថុឈានមុខគេនៅកម្ពុជា PPCBank ប្តេជ្ញាគាំទ្រដល់គំនិតផ្តួចផ្តើម នៃការលើកកម្ពស់ការចូលរួមរបស់ក្រុមគ្រួសារ ការចូលរួមនៅក្នុងសហគមន៍ និងការបង្កើតនូវអនុស្សាវរីយ៍ចងចាំដ៏ល្អដែលពុំអាចបំភ្លេចបាន។ កម្មវិធីដំណើរកម្សាន្តនេះ មានលក្ខណៈជាក្បួនរថយន្តចំនួន២៥គ្រឿង ដែលនៅក្នុងនោះមានសមាជិកចូលរួម ប្រមាណ ១០០នាក់ ធ្វើដំណើរចេញពីក្រុងភ្នំពេញឆ្ពោះទៅកាន់ខេត្តចន្ទបុរី ប្រទេសថៃ។

អ្នកចូលរួមមិនត្រឹមតែបានទៅទស្សនាកន្លែងទាក់ទាញជាច្រើនប៉ុណ្ណោះទេ ប៉ុន្តែក៏មាន ឱកាសទទួលបានបទពិសោធន៍បើកបរសាកល្បងរថយន្ត Chevrolet ដោយសេរី ព្រមទាំងរីករាយជាមួយទេសភាពនៅតាមដងផ្លូវនៅក្នុងប្រទេសកម្ពុជា និងប្រទេសថៃ ទៀតផង។

លោក ចំរើន រ៉ូប៊ី ប្រធានផ្នែកឥណទានរថយន្តនៃធនាគារ PPCBank បានមានប្រសាសន៍ថា៖ “យើងពិតជាមានសេចក្តីសោមនស្សរីករាយក្រៃលែង ដែលបានក្លាយជា Main Sponsor នៃព្រឹត្តិការណ៍ប្រចាំឆ្នាំរបស់ក្រុមហ៊ុនរថយន្ត Chevrolet ហើយក៏មានចិត្តរំភើបផងដែរ ក្នុងការគាំទ្រដៃគូសហការរបស់យើង។”

លោកបន្តទៀតថា៖ “សម្រាប់អតិថិជនដែលមានបំណងចង់ក្លាយជាម្ចាស់រថយន្តទំនើប Chevrolet អាចធ្វើការស្នើសុំឥណទានរថយន្តពីធនាគារ PPCBank របស់យើងបាន ដោយការអនុម័តប្រាក់កម្ចីត្រឹមតែមួយថ្ងៃប៉ុណ្ណោះ ជាមួយអត្រាការប្រាក់សមរម្យ និងរយៈពេលកម្ចីវែងរហូតដល់៩ឆ្នាំ”។

កម្មវិធីដំណើរកម្សាន្តនេះ បានផ្តល់ឲ្យអ្នកចូលរួមគ្រប់គ្នាបានស្គាល់រថយន្ត Chevrolet កាន់តែច្បាស់ តាមរយៈការបើកបរក្នុងចម្ងាយឆ្ងាយ ហើយក៏បានស្វែងយល់អំពីផលិតផល និងសេវាកម្មជាច្រើនប្រភេទរបស់ធនាគារ PPCBank ជាពិសេស គឺឥណទានរថយន្តនេះតែម្តង។

ដើម្បីទទួលបានព័ត៌មានបន្ថែមអំពីនីតិវិធីនៃការស្នើសុំឥណទានរថយន្ត PPCBank សូមធ្វើការទាក់ទងទៅកាន់លេខទូរស័ព្ទ 096 3 909 909 ឬ 023 909 909៕