PPCBank បន្តចូលរួមឧបត្ថម្ភដល់ព្រឹតិ្តការណ៍ជិះកង់ឆ្នាំ ២០២២ នៅខេត្តសៀមរាប
សៀមរាប៖ ធនាគារ PPCBank មានមោទនភាពដែលបានបន្តចូលរួមគាំទ្រព្រឹត្តិការណ៍ជិះកង់របស់ សមាគមធនាគារនៅកម្ពុជា ដែលបានរៀបចំឡើងក្នុងខេត្តសៀមរាប កាលពីថ្ងៃទី៣០ ខែតុលា ឆ្នាំ២០២២ ក្រោយអាក់ខានរយៈពេល២ឆ្នាំដោយសារជំងឺកូវីដ១៩។ សម្រាប់ព្រឹត្តិការណ៍ជិះកង់ប្រចាំឆ្នាំ២០២២ នេះ ធនាគារ PPCBank បានចូលរួមឧបត្ថម្ភជា Gold Sponsor ។
ដោយមានការគាំទ្រពីសហព័ន្ធកីឡាទោចក្រយានកម្ពុជា និងសហការរៀបចំដោយសមាគមធនាគារនៅ កម្ពុជា (ABC) ព្រឹត្តិការណ៍នេះ ត្រូវបានរៀបចំឡើងក្នុងគោលបំណងដើម្បីលើកកម្ពស់ហិរញ្ញវត្ថុប្រកប ដោយចីរភាព ព្រមទាំងការការពារបរិស្ថាន និងទំនួលខុសត្រូវសង្គម ក្នុងន័យអភិរក្ស និងលើកកម្ពស់ សម្បត្តិវប្បធម៌ក្នុងខេត្តសៀមរាប។